मुंबई : केंद्र सरकार पाठोपाठ महाविकास आघाडी सरकारने देखील पेट्रोल डिझेलवरील करात कपात केली असून आता इंधनाचे दर आणखी कमी झाले आहेत. महागाईच्या आगीत सामान्य जनतेसाठी हा मोठा दिलासा मानला जात आहे.
केंद्र शासनाने कालच पेट्रोलच्या दरात ९ रुपये ५० पैसे तर डिझेल ७ रुपयांनी स्वस्त करण्याचा घेतला आहे. सद्याच्या महागाईच्या काळात हा मोठा दिलासा लाभला असून लिटरमागे पेट्रोल ९.५० रुपये तर डिझेल ७ रुपयांनी स्वस्त करण्याचा निर्णय घेण्यात आला आहे. केंद्र सरकारने करात कपात केल्याने हा मोठा दिलासा मिळणार आहे. इंधनावर लादलेल्या वेगवेगळ्या करामुळे पेट्रोल डिझेलच्या किमती वाढलेल्या आहेत. या करात कपात करण्याचा निर्णय घेण्यात आला आहे. केंद्रीय अर्थमंत्री निर्मला सीतारामन यांनी आज ही दिलासादायक घोषणा केली आहे. (Maharashtra government reduced fuel prices) या घोषणेमुळे महसुलात वर्षाला सुमारे १ लाख कोटी रुपयांचा तोटा होणार आहे. केंद्र शासनाच्या पाठोपाठ राज्य सरकारने देखील इंधनावरील कर कमी करण्याचा निर्णय आज घेतला.
राज्यातील महाविकास आघाडी सरकारने आज इंधनावरील कर कमी करण्याचा निर्णय घेतला असून पेट्रोल २ रुपये ८ पैसे तर डिझेल १ रुपया ४४ पैशांनी दर कमी केले जाणार आहेत. आजपासून पेट्रोल आणि डिझेलवरील मूल्यवर्धित करात (VAT) ही कपात केली जाणार आहे त्यामुळे राज्य शासनाच्या तिजोरीवर सुमारे अडीच हजार कोटी रुपयांचा भार पडणार आहे.
कोणत्याही टिप्पण्या नाहीत:
टिप्पणी पोस्ट करा